गैँडाकोट,असोज ४ । आगामी २०८४ सालको स्थानीय तह निर्वाचन नजिकिँदै जाँदा नवलपुरको गैँडाकोट नगरपालिकामा राजनीतिक हलचल र चुनावी सरगर्मी तीव्र बनेको छ।

निर्वाचनलाई लक्षित गर्दै प्रमुख विपक्षी दल नेकपा (एमाले) भित्र आगामी नगर प्रमुख (मेयर) पदका लागि सम्भावित उम्मेदवारहरूको चर्चाले स्थानीय राजनीतिक वृत्त तातेको छ।
<span;>​पार्टीभित्र र कार्यकर्ता माझ अनुभवी, युवा, बौद्धिक तथा लोकप्रिय छवि बनाएका विभिन्न नेताहरूको नाम प्रमुख पदका लागि दाबेदारका रूपमा अगाडि आएको छ। हाल चर्चामा रहेका प्रमुख सम्भावित उम्मेदवारहरू यस प्रकार छन्:

• ​षडानन्द लामिछाने: पार्टी संगठनमा बलियो पकड र स्पष्ट वक्ताको छवि बनाएका लामिछानेलाई एमालेभित्र एक अनुभवी र सम्भावनायुक्त नेताका रूपमा हेरिन्छ।
• ​छत्रराज पौडेल: लामो समयदेखि स्थानीय राजनीति र सामाजिक सेवामा सक्रिय पौडेलको व्यापक जनसम्पर्क र विकासप्रेमी छविका कारण उनको सम्भावित उम्मेदवारीलाई विशेष चासोका साथ हेरिएको छ।
• ​नवराज कंडेल: युवा वर्गमाझ लोकप्रिय र प्रभावकारी नेतृत्व क्षमता भएका कंडेल पार्टीभित्र एक गतिशील र ऊर्जावान् नेताका रूपमा परिचित छन्।
• ​गोपेन्द्रकेसरी न्यौपाने: बौद्धिक व्यक्तित्व र कुशल प्रशासकीय अनुभव बोकेका न्यौपाने गैँडाकोटको सुशासन र समृद्धिका लागि उपयुक्त पात्र हुन सक्ने भन्दै कार्यकर्ता वृत्तमा उनको चर्चा चुलिएको छ।
• ​यमुनाथ आचार्य: स्थानीय स्तरमा लामो राजनीतिक त्याग र निष्ठावान् छविका कारण आचार्यको नाम पनि मेयरको प्रबल दाबेदारका रूपमा अगाडि सरेको छ।
. कोकीसरा राना: स्थानीय तहमा निरन्तर दुई कार्यकाल वडा अध्यक्षमा विजयी भई उत्कृष्ट कार्यसम्पादन र जनप्रियता कमाएकी रानालाई दृढ र सफल महिला नेतृका रूपमा हेरिएको छ।
​स्थानीय निर्वाचन आउन बाँकी रहे पनि पार्टीभित्र आफ्ना पक्षका नेतालाई अगाडि सार्ने र शक्ति प्रदर्शन गर्ने होडबाजीले गैँडाकोटको चियासियादेखि सामाजिक सञ्जालसम्म राजनीतिक बहस निकै रोचक बन्दै गएको छ।